Nola kontsultatu .EUS domeinu-izen baten kontaktu informazioa?

Puntu.eus orrialdeko bilatzailea erabilita domeinu-izenen informazioa kontsulta dezakezu. Bilatutako domeinu-izenaren informazio ezberdina agertuko zaizu, tartean, domeinuaren egoera zein den, noiz erregistratu den, noiz iraungiko den eta zein erregistratzailek kudeatzen duen.

2018ko maiatzaren 25az geroztik indarrean dagoen GDPR (General Data Protection Regulation) araudia dela eta, .EUS domeinu-izenen titularren informazioa ez da jada publikoki ikusten, eta ezin da WHOIS bidez kontsultatu. Legezko betebeharren edo jabetza intelektualaren bidez interes legitimoa dutela frogatzen dutenei bakarrik emango zaie datu horiek eskuratzeko aukera. Kontsultatu duzun domeinu-izenaren datuak eskatzeko (babeserako marka, legezko arrazoiak edo bestelakoak), jarri gurekin harremanetan.